主页 > 竞技快报 >【轮证赢家】就嚟补完裂口 >

【轮证赢家】就嚟补完裂口


【轮证赢家】就嚟补完裂口放大图片

噚日玩衍生工具嘅,不论係大户定老散,都经历咗一场一头雾水但又忙到爆嘅下半场:喺一头雾水嘅忽然停市之中,忙到爆地周围搵新闻、问人、狂上港交所(00388)个website度睇到底发生咩事。后来仲要有发行商将旗下同恒指有关嘅轮证停牌,搞到我都忙埋一份,忙到搵啱人但嗌错咗对方个名...坚样衰不过是但啦。

基本上喺今日凌晨1点几到,港交所已经发出通告话今日个市将会恢复佢哋嗰套HKATS系统嘅衍生产品市场交易。今朝期指复市(「期指复市」呢四个字真係好鬼奇怪),即月期指喺开市头嗰五分钟都trade咗过万张期指,老老实实,佢冧多日嘅话,生意少咗事少,输咗投资者信心事大。

依家9点55分,恒指今朝高开升257点,报25928点;而依家就做紧26671点,升156点,暂见高开低收之余,click条保历加通道出嚟睇嘅话,见今日第三日顶住条保历加通道顶(26711点),保历加通道口虽然拓阔中,但同步见下方SlowSTC(14,3)%K线已经上到「9」字头严重超买水平,至于%D线亦见「7」字头。无他嘅,事关以9点59分点,今朝开市口价就係目前嘅高位,讲紧只係争95点就可以完全补回8月5日嘅下跌裂口(26502至26868点)。

噚日朝早有推过只恒指牛(54838),而按噚日朝早恒指5分钟图,喺11点15分至11点30分到SlowSTC(14,3)落到超卖位,呢个时候将(54838)送落场,按高低位$0.0.93/$0.09,平均买入价就係$0.0915。如果噚日喺上半场见条SlowSTC(14,3)喺临完场时去到中轴唔多郁就担心又中伏嘅话,输两格加蚀手续费离场未尝不可;但继续持货嚟讲,今日个市都应该比咗粒定惊丸你食,朝早高开嗰一吓可以走人,或者依家10点6分,见恒指升幅再有200点以上时,(54838)证价亦跟升,唯同步见恒指5分钟图嘅SlowSTC(14,3)都上到超买位水平,见好就收啦;最多最多博个市食埋26700至26799点呢批第一贴价嘅熊证,皆因呢层有相当于889张期指;如果要个市上到26900至26999点食熊证重货区(915张期指)嘅话,就真係要睇吓呢个weekend有咩利好消息啦。

「咁下面牛证呢?」最贴价都只係上到25700至25799点,too far away la....

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家




上一篇: 下一篇: